Ki konsekans PÒNOGRAFI (pornographie) genyen sou sèvo ?

 🛑Ki konsekans PÒNOGRAFI genyen sou sèvo ?

Pònografi gen rasin li nan grèk ki se '’ Pornographos’’ ki vle di : otè k ap ekri sou aktivite prostitisyon. Mo Pornographos la li menm soti nan 2 mo grèk : premye a se pornê ki vle di FANM k ap mennen movèz vi oubyen fanm k ap fè  bouzen. Mo pornê a vini de yon lòt mo grèk ki se pernanai ki siyifi VANN/EKSPÒTE. Dezyèm nan se graphein ki siyifi EKRI.

Bon pou nou rantre nan manman sijè a n ap di w fim pòno parèt an France nan lane 1920 yo. Men pat vrèman gen sèn Seksyèl avivwa. Se nan ane 1972 nan USA avèk soti fim ki rele DEEP THROAT la nan tout sal sinema ke pònografi a pral koumanse pran ekstansyon. Enben pou rive ane 80-90 yo bagay Sila a exploze tankou yon bonm nan peyi oksidantal yo, Karayib ak amerik latin yo. 

Avèk aksè epi devlopman entènèt nan mond lan, majorite moun vin tonbe nan gade pònò ( menm si nou tout pa gade l a menm frekans). Enben sa vin fè endistri k ap pwodwi fim sila yo fè anpil lajan. Se plis pase 100 milya dola wi endistri sila ap rantre wi depi nan ane 2020 yo. Men anvan sa, pou nou pi dirèk nan lane 2015 yo se 60 milya yo te konn rantre. Alòske pèsòn pa janm vle admèt piblikman yo konn gade pònò.😂

Nan ti rechèch nou fè, nan dènyè 10 lane sa yo kantite pònò nou gade se bagay nou ta sipoze GADE NAN 1,2 MILYON ANE. Chak sekond, sou motè rechèch yo gen 372 moun k ap chèche fim pòno e gen 28252 ki deja ap gade. Antou entènot sa yo depanse 3075 dola pou grenn sekond Sila a. Kidonk, chak sekond endistri k ap prodwi fim pòno rantre 3075 dola sou moun k ap gade fim sou entènèt sèlman.

Nou tèlman gade pòno menm pou jenerasyon k ap vini nou gade. Men etid yo revele se plis gason ki gade pòno. Men nan gade pòno konsa ki enpak li fè sou sèvo nou,  espesyalman mesye yo:

Premye bagay, li fè w vin adikte avèk li. Se tankou yon dwòg, ou vin paka viv san w pa gade pòno e chak jou wap vin plis depann de li.

Dezyèm bagay li fè w, ou vin gen yon depresyon. Fòk nou di w  sèvo a gen yon bagay yo rele sistèm de REKONPANS. Enben se sistèm sila a ki pèmèt ou santi ou anvi manje, bwè oubyen pou reyalize yon aktivite. An konsekans se sistèm Sila a ki motive w pou fè de bagay k ap bon pou ou, k ap bon pou lavi w ak tout lòt moun ki nan kominote a a. E se bagay sa yo ki vin pèmèt ou libere yon molekil plezi ak bonè ki rele dopamin.  Enben kisa pònò a fè? Kòm se nan pòno a ou vin jwenn bonè w epi ou vin adikte ak li, li vin fè w bay yon kantite DOPAMIN ki egzajere. Enben sa ki vin rive ? Ou telman bay dopamin sa ap rive tout ti bagay ki te konn fè bonè w, ba w plezi p ap gen okenn sans pou ou ankò. Se sa ki fè w ap vin tonbe nan yon depresyon san parèy. E sèl bagay w ap santi ou alèz e k ap ba w plezi se pònò.

Trazyèm bagay, w ap gen foli pou genyen FANM ki sanble ak sa ou konn wè nan pòno yo : bèl fanm, fèl kò, ki kapab ba w tout pòz ou konn wè nan pòno yo. Sa ki ka fè w pa janm ka fè yon chwa oubyen si w te déjà gen yon fanm epi sa rive li pat sanble ak sa ki nan pòno w ap vin pa bali menm atansyon an ankò.

Katriyèm bagay, w ap vin parese anpil. Kit se nan nivo entèlektyel kit se nan travay. Epi sa ap vin fè w pa RENMEN patisipe nan okenn aktivite sosyal ak Kiltirèl kote w ap amize w, distrè w epi rankontre fi ou kapab koutize si toutfwa ou potko gen yon patnè.

Senkyèm bagay, w ap vin gen problèm andirans seksyèl. Enben pou m byen di w lè w ap gade pònò w ap chache yon plezi k ap fè w ejakile byen rapid. Sa ka rive lè w ap fè bagay ak madanm oubyen patnè w la, sèvo w vin reprodwi menm chema a. Sa ka rive ou paka bande fasil epi lè w resi vin bande a se bonjou pwèl ou di.

Sizyèm bagay, ou ka vin gen yon problèm LIBIDO. Enben sa rive lè w gade twòp pònò fanm vin pa eksite w ankò se selman imaj pòno ki kapab fè w jwi, ki kapab fè w voye paske ou déjà genyen chema ideyal nan lespri w.

Dènye bagay e sa pa vle di pa gen lòt toujou, GADE PÒNO KRAZE SÈVO MOUN. Enben premye sa li kapab fè nan sèvo w, se afebli aktivite serebral ou oubyen ralanti li. Epi sa rive matyè Griz ou vin piti. Anplis de sa ou pral jwenn fonksyònman kòtèks frontal la diminye, ou vin anksye rapil, ou p ap KAPAB konsantre fasil ankò, w ap vin gen yon ''perte de mémoire’’ epi l ap vin difisil pou motive w sou yon bagay. 

Mezanmi ann diminye sou kantite tan nou konn fè ap gade pòno jiskaske yon jou nou sispann gade l pou byennèt kò nou ak lespri nou ! 

Junior Dorval